ഇനിയും കാണാതെ

പ്രണയത്തെ കുറിച്ചാണല്ലോ വാചാലനയാത്;

ഇനിയുമാ പുഴകൾ അങ്ങനെയൊഴുകും,

ചുറ്റിയും തിരിഞ്ഞും 

അമർന്നും ഉയർന്നും

പതിവ് പോലെതന്നെ,

നീയുമൊരു കൈവരി മാത്രം,

ഇടക്കെപ്പോഴോ ഒഴുക്കിന് വേഗം കൂട്ടിയ പലരിലുമൊരാൾ;

ഇനിയും പറയുക 

പ്രണയത്തെ കുറിച്ച്,

മാറ്റി വെച്ച മശി തണ്ടുകൾ

പ്രണയ ദാഹത്തെ കുറിച്ച്

വേവലാതി പറയുന്നുണ്ടാകാം.

ഇനിയും എഴുതുക,

ഇനിയും കാണാത്ത പ്രണയത്തെ കുറിച്ച്,

ഹൃദയം കീറി ചുവപ്പിനാൽ തന്നെ എഴുതുക,

ചിന്തുന്ന ചോരയാൽ അവർ ദാഹമകറ്റട്ടെ..